Сағадат Нұрмағамбетов атындағы Құрлық әскерлері Әскери институтының ғылыми-зерттеу бөлімі институттағы ғылыми-зерттеу жұмысы «Ғылым туралы» Заңға, бұйрықтарға, нұсқаулықтарға және Қазақстан Республикасының басқа да құқықтық нормативтік актілеріне, сондай-ақ институт Жарғысына сәйкес ұйымдастырылады және жүзеге асырылады.
Ғылыми-зерттеу жұмысы институт ұжымының қызметінің құрамдас бөлігі болып табылады, оқу-тәрбие процесімен тығыз байланысты, оқытудың, ғылым мен практиканың тығыз өзара іс-қимылын қамтамасыз етуге ықпал етеді, мамандарды даярлаудың жоғары сапасына қол жеткізуге, профессорлық-оқытушылар құрамының біліктілігін арттыруға бағытталған.
Институттағы ғылыми-зерттеу жұмысының негізгі міндеттері:
– әскери теория мен практиканың өзекті мәселелері, қоғамдық, жаратылыстану және техникалық
ғылымдардың әскери мәселелері бойынша зерттеулер жүргізу;
– болашақта ғылыми-зерттеу жұмыстарын жүргізу;
– әскери ғылыми және ғылыми-педагогикалық кадрларды даярлау және олардың біліктілігін арттыру;
– елдің қорғаныс қабілетін нығайту мүддесінде ғылыми ұйымдармен және жоғары оқу орындарымен байланыстарды жолға қою және дамыту;
– баспа жұмысын ұйымдастыру;
– оқу процесінің тиімділігін және курсанттарды оқыту сапасын арттыру;
– ғылыми конференциялар, семинарлар, дөңгелек үстелдер, пікірталастар және т. б. ғылыми іс-шараларды ұйымдастыру және өткізу;
– курсанттардың ғылыми шығармашылығын дамыту, оларға зерттеу жұмыстарын дағдыландыру.
Ғылыми-зерттеу бөлімінің штатына ғылыми-зерттеу зертханасы мен редакциялық-баспа бөлімі кіреді.
